WILLEMSTAD.- Ayera nochi riba Freewinds a tuma lugá e konsierto ‘A Touch of Christmas’, organisá pa Melania van der Veen ku ta selebrando su di 40 aniversario den farándula.
Ku presentashon di Trio Los Ruiseñores, Romeo Heije, Boy Thode huntu ku Melissa Arroyo i Melania van der Veen e públiko a disfrutá di un tremendo konsierto.
E konsierto benéfiko a rekoudá fondo pa Grupo ‘Orashon i Mishon San Pio’.
SELEBRASHON
E selebrashon di Melania ta kontinuá, awor ta Boneiru ta pendiente pa disfrutá dje selebrashon ku lo tuma lugá na Boneiru dia 14 di desèmber 2019.