WILLEMSTAD.- Ayera nochi a tuma lugá riba e barku Freewinds un konsierto pa rekoudá fondo pa Grupo di Karnaval Hubenil “Grupo Paraiso Hubenil” partisipa na Marcha Hubenil 2020.
Ku un tremendo koperashon di nos artistanan lokal,  Roxy Rozal, Jill Frans, Yentje Silvanie, Gilltaly Doran & Tito Doran, Ebony Gwenn Martis, Liesje Lispier, Joel Villareal i e koristanan, e públiko a gosa sigur di e ambiente di Fin di Aña.
Un danki tambe na spònsernan ku a kontribuí ku regalo pa e artistanan i pa por a rifa algun premio di porta. Danki na Obelisque Flowers, ACOYA Resort Curaçao, Palapa Resort, Holiday Occasions by Roosevelt Center i Cyrell’s Aesthetic Feet.
Por sigui desaroyo di Grupo Paraiso Hubenil via di e página riba Facebook. Ainda tin algun lugá ku por inskribí pa Marcha Hubenil 2020. Pa mas informashon por yama na telefòn 525-2222.