WILLEMSTAD.- Djadumingu anochi na Renaissance Hotel a tuma lugá e elekshon di ‘Teen Male Model Curaçao’. E organisashon Mister Model Curaçao a skohe e hóben modelo huntu ku su finalistanan.
E elekshon tabata bon bishitá i e públiko sigur a disfrutá di un show variá.
RESULTADO
Premio pa e partisipante mas fotogéniko a bai pa Zahir Ilaria; Mas Popular Riangello Piar; Model Instagram: Aaron van Hoop; Best Body: Nathalien Boelijn.
Segundo finalista a resultá: Zahir Ilaria. Premio pa promé finalista a bai pa Riangello Piar i ganadó apsoluto a resultá Aaron van Hoop.
E komishon organisadó ta gradisí tur partisipante, nan mayornan i ta kontentu ku por sigui traha ku kada un dje hóbennan. Sigui nan riba Instagram: Mister Model Curaçao.