INGLATERA.- E kantante britániko, Adele i su kasá, Simon Konecki a informá djasabra último ku nan a divorsiá.
‘Adele i su pareha a divorsiá’, asina nan a deklará den un komunikado ku a keda emití pa e representantenan dje artista.
‘Nan ta komprometé nan mes pa huntu eduká ku hopi amor nan yu, Angelo 6 aña, i ta pidi rèspèt pa nan bida privá’, esaki sin duna mas splikashon dje motibunan di nan separashon.
E kantante ganadó di 15 Grammy a kasa na 2016, despues di 5 aña di relashon ku Simon Konecki, un empresario ku a funda e organisashon karikativo ‘drop4drop’ pa promové e akseso na awa potabel rònt mundu.
Adele, 30 aña, a bende mas ku 100 mion albùm.