WILLEMSTAD.- E kansion nobo "Sin Amor" di e kantante ÆMY ta kai den kategoria di kansion "urban" ku ta papia over di  e importansia di stima hende pa hende ku nan ta i no pa loke nan por hasi p’abo òf pa status òf aparensia. Kada hende tin balor i meresé amor. E videoclip ta unu ilustrativo kaminda bo ta mira kon e kantante ta kore tras di amor i al final e ta hañ'é.
E videoclip kreá, filmá i editá pa Jean-Clair Sint-Jago di ‘LifelightStudio's’ i ku kolaborashon di Nathaniel Hooi ‘LifelightStudio's’, ta unu kolorido, urbano i futurístiko.