MERKA, AP.- Aerolíneanan merikano a pidi e gobièrnu federal fiansa i ekstenshon fiskal ku por suma 50.000 mion dòler pa yuda e empresanan rekuperá di e kaida fuerte ku nan a sufri dor di Coronavirus.
Airlines for America, e grupo komersial ku ta representá e sektor na Merka, a presentá su solisitut di yudansa finansiero djaluna, miéntras aerolíneanan rònt mundu a anunsiá ku lo kanselá buelonan i realisá ménos biahe. Algun aerolínea a kuminsá duna retiro kaba.
E aerolíneanan merikano a sali for di un dékada marka pa un entrada rèkòrt. Sinembargo, e empresanan a kuminsá baha den kantidat di biahe desde yanüari, kuminsando ku e suspenshon di China, kaminda e brote di Coronavirus a kuminsá. E spiral di krísis su velosidat a subi den e último dianan ku a pasa, provokando ku e aerolíneanan aki ta anunsiá un serie di medida drástiko.
Vários gobièrnu ta restringiendo biahenan rònt mundu, kousando un oumento den kanselashon di biahe i buelo.
