WILLEMSTAD.- Direktiva di Asosashon di Gruponan di Karnaval di Kòrsou, AGKK ta invitá tur lidernan di gruponan Hubenil, Tiener, Grandi, Individual i tambe Kabai, na un reunion di suma importansia.
E reunion ta tuma lugá awe nochi, 11 di yanüari 2018 di 7’or pa 9’or di anochi na Fundashon Kas di Kultura Kòrsou, situá na Scharlooweg # 29.
Durante dje reunion lo tin informashon di Kuerpo Polisial, Brantwer, GMN i Fundashon JAG.
Direktiva di AGKK ta pidi pa tur lider o representante di gruponan di karnaval pa asistí na e reunion aki na tempu.