WILLEMSTAD.- Despues di un ‘Ciao Italia’ yen yen awor ta toka turno pa agrupashon musikal hasi estrago na De Heeren.
Axel Pikero i su tim ta super entusiasmá pa djasabra yega i pa asina deleitá tur presente ku bon variashon di músika na un nivel haltu.
Axel a konfirmá na nos redakshon ku e meta ta pa gana kurason di un i tur na De Heeren. Ya kaba maneho di De Heeren a sinta na mesa ku Axel Pikero i fiha konseptonan pa futuro serkano entre e dos partidonan.
Segun Axel, por spera piesanan nobo mañan djasabra. Dreams ta den studio di grabashon i produkshonnan nobo lo keda sali un tras di otro riba merkado i Dreams lo duna un ñapa mañan anochi.
Dreams tin dos presentashon djasabra awor. Nan lo sali Inter Park i mas lat den anochi nan lo presentá na De Heeren.