Aichi

Nos estimada Aichi,

Te ainda nos ta di shòk, paso inesperadamente bo a bai laga nos.

Aún den nos tristesa, nos ta sinti bo amor, bo dedikashon, bo delikadesa, bo positivismo, bo kapasidat pa resistí.
E kalidat nan aki ta yuda nos i ta duna nos un pas inkomprendibel.
Inkomprendibel, paso kon nos por ta sinti pas si nos tristesa ta asina grandi?

Paso ta asina ta nos Achichi,
Un persona ku a sá di hasi tur kos ku profundo amor i pas.
Un persona ku su presensia ta manera un angel.
Un persona ku un trato ta puru.
Un persona ku su palabra nan ta bal óro.
Un persona ku un karakter radiante i ehemplar!

Nos ta kontentu di por a sinti bo amor i dedikashón i ku bo tambe a sintí bo stimá pa nos.

Despedida ta un akto hopi duru pero alaves e ta un akto di amor. Pesei nos lo keda kárga bo pa semper i bo nòmber lo sígi wordu menshoná.

Pa semper den nos kurason,

Tanchi Bebi i yunan