WILLEMSTAD. - Entretantu mas ku 48 ora a pasa ku e dama di nashonalidat Mèksikano  a baha for di e barku krusero Navigator of the Seas i  ku no sa unda e ta.

Informashon ku polis ta disponé  di dje ta ku djaweps último despues ku e dama a baha for di e barku e tabata na pia den área di Kralendijk.

Manera ya KPCN a informá den un boletin  anterior na momentu ku el a baha for di e barku krusero e tabatin bistí:  un blusa  manga aden koló pretu, un shòrt di jeans i sapatu koló pretu. E tin kabei pretu largu i postura delegá. E nòmber di e dama  ta Adriana Morales de Florencio, nasé na Mexico  riba 4 di yüni 1993.

Un yamada urgente ta bai na kualke persona ku sa algu di e  dama aki òf ku por a mir'é pa por fabor tuma kontakto ku polis na number di telefon 717-8000/ 715-8000 of na e number di tep  anónimo di  polis ku ta 717-7251.