AIRBAG DI NISSAN TA WORDU INVESTIGA

DETROIT, AP.- Outoridatnan ta investigando denunsiánan kaminda airbagnan den algun vehíkulo di Nissan ta sali aksidentalmente si sera porta di e outo ku demasiado forsa.
E defekto ta presente den modèlnan Nissan Versa.
Atministrashon Nashonal di Seguridat riba kaminda ta bisa ku 155.000 di e vehíkulonan modèl 2012 ta wòrdu revisá.
E agensia a indiká ku e airbagnan na banda òf dilanti ta bula sali momentu ku un persona sera porta di e outo ku demasiado forsa.
E entidat a indiká ku ta purbando di determiná kon frekuente e defekto aki a tuma lugá i si mester retirá algun di e unidatnan aki for di merkado.