BOLIVIA.- Nos representante na e sertámen di Miss Hispanoamericana 2017, Akisha Albert a sigui skor konkistando diferente título durante dje dianan previo di e sertámen final.
Akisha resientemente a terminá komo promé finalista den e parti deportivo, el a konkista e título di ‘Miss Elegansia’ i awor a konkista e título di ‘Mihó Modelo’.
Ku e dos premionan aki Akisha Albert indudablemente ta un dje faboritonan dje sertámen. Kòrsou den pasado a yega di konkista e título. Na 2011, Evalina van Putten, representando Kòrsou a konkista e título di ‘Reina Hispanoamericana’. Riba fotonan nos por apresiá Akisha ku su shèrp ku ta identifiká ámbos premio.