WILLEMSTAD.- Nos representante pa Reina Hispanoamericana 2017 ta srta. Akisha Albert kende a sali ayera, djadumingu, pa su representashon di Kòrsou na Bolivia.
Akisha a biaha di Kòrsou pa Panama i despues di topa ku otro kandidatanan na Panama, nan a kontinuá nan biaha huntu pa Bolivia.
E sertámen mes lo ta 4 di novèmber na Santa Cruz, Bolivia.
E aña aki nan ta konta ku 30 partisipante, muestra ku e sertámen tin bon atenshon i a demostrá ku gran mayoria di pais ta usa e plataforma publisitario di e sertámen aki pa nan representantenan ku lo sigui despues pa Miss World i Miss Universe.
Motibu pa kua paisnan manera: USA, Argentina, Philipinas, Ulanda ku no ta den hispanoamerica a djòin.
Akisha ta un  dama inteligente, karismátiko i ku un beyesa impreshonante, su eksperensia i konosementu den e mundu di beyesa i pasarela, sigur lo atraé bista di un i tur.
Durante di e sertámen e kandidata lo bai tin tres presentashon ku ta trahe nashonal, trahe di baño i trahe di gala kaminda lo hasi e kandidatanan un pregunta.
Akisha su trahe nashonal lo bai ta: “A taste of Curaçao Carnival”. Aki Akisha k’e gradisí su Grupo ViVa ku ta bai ekshibí su trahe den eksterior promé ku e desfilá den marcha Karnaval di Kòrsou.
Un danki spesial ta bai na: Sambil Curaçao,  Mac Duggal, Eline by Eline, Sue Ann Hudson, Mor & Ena’s beauty salon,  Alexandra Lew Yen Tai, Kaya Swimwear, Harry Davelaar, CTB, Bob Esprit Gym, Changes Pro Sport, Penha i Gionel Virginie.