WILLEMSTAD.- Inisiadó di Chichi Curaçao, sra. Serena Israel, awe a manda un komunikado di prensa relashoná ku e pregunta: dikon e Chichi na Sandals Royal Curaçao ta koló blanku i no pretu manera e sa ta normal? Mañan Sandals lo habri su porta i segun sra. Israel diferente hende kaba a puntra dikon e Chichi na e hotèl ta blanku.

Esaki ta e deklarashon di sra. Israel: “E Chichi blanku na Sandals Royal Curaçao ta un tarea spesial (Custom Made), spesialmente diseñá pa e hotèl. Sandals a wòrdu inspirá pa un “Royal Delft Blue porcelain Chichi” pa por representá nan Hotèl. Serena a diseñá e XXXL Chichi®️ ku diferente di e bunita paisahenan di nos dushi isla Kòrsou manera: Kaktus, playa, kas di kunuku, dòlfein i flornan tropikal i nos famoso Handelskade. Serena a pinta e Chichi aki ku e fèrf asina yama “cobalt blue” e koló aki ta representá nos nashonalidat karibense/hulandes. Nos Brand Chichi ta registrá den tur koló i nos ker a menshoná ku e koló pretu òf blanku NO ta referí na koló di kueru. Nos ta usa e koló pretu riba e Chichi pa mas ku 13 aña kaba, pasobra e kolo pretu ta laga e otro kolónan riba e Chichi resaltá na nan máksimo. Si nos lo a duna e Chichi un otro kolo manera bèrdè òf maron e kolonan di e diseño riba e chichi lo no a resaltá. E koló pretu ta representá nos kultura Afro-Karibense.”

Mas aleu sra. Israel ta bisa: ‘E obra di arte aki ta representá e ruman Muhé Mayó ku ta duna kuido ku kariño i amor na e rumannan mas Chikitu.’

36 COMMENTS

LAGA UN KOMENTARIO

Please enter your comment!
Please enter your name here