WILLEMSTAD.- Durante e festival bo por hasi uso di e dos terenonan di parker den serkania di World Trade Center. For di aki tin e ‘shuttle bus’ nan ta kore den direkshon pa i for di e lugánan di parker pa e tereno di festival. Riba e terenonan di parker tin sufisiente iluminashon i tambe agente di seguridat.
E terenonan di parker ta habrí riba 30 i 31 di ougùstùs i 1e di sèptèmber for di 5’or di atardi. Portanan di tereno di festival ta habrí for di 6’or.
E terenonan ofisial di CNSJ 2018 ta:
• Sambil
• Stadion di Rif
E tereno di parker ta keda indiká pa medio di bòrchi riba kual  tin marká ku e palabra ‘Parking’ riba dje. Mustrando bo tarheta di entrada bo por hasi uso grátis di e lugánan di parker i di e servisionan di e busnan di ‘shuttle’
E bùsnan di ‘shuttle’ ta kore bai bini entre e lugánan di parker i e tereno di festival entre e siguiente oranan: djaweps 30 di ougùstùs : 17:00 – 01:00; djabièrnè 31 di ougùstùs :17:00 – 03:00 i djasabra 1e di sèptèmber :17:00 – 03:00.
E busnan di ‘shuttle’ ta hiba Bo te na e rotònde serka di e entrada di e tereno di festival. For di e mesun punto ei e busnan di ‘shuttle’ ta hiba bo bèk pa e terenonan di parker.
For di e rotònde ei bo ta kana keiru den aproksimadamente 10 minüt pa bo yega na entrada di e tereno di festival. Tambe tin e asina yamá ‘Tuk Tuknan’ i tambe un trein chikitu ku ta kore bai bini entre e rotònde i e entrada di e tereno di festival segun e skema aki bou: Djaweps 30 di ougùstùs: 18:00 - 01:00; Djabièrnè 31 di ougùstùs :18:00 - 03:00 i
Djasabra 1e di sèptèmber:18:00 - 03:00.
Nos ta supliká bo pa sigui e instrukshonnan di polis i e agentenan di seguridat estriktamente  pa asina nan por sòru pa bo por parker bo outo di moda ku bo por parker efisientemente na un manera bon i sigur.

TAXI
E parada di Taxi pa e festival ta ubiká riba Piscaderaweg pegá ku Residence Piscadera, banda di Hilton Hotel. Tin bòrchi ku ta indiká i sitio dje parada.