KAAPSTAD, SURAFRIKA (AFP).- Kongreso Nashonal Afrikano (ANC), na poder for di fin dje régimen di segregashon rasial di apartheid den Suráfrika, a anunsiá ayera di a yega na un akuerdo ku vários partido pa forma un gobièrnu di koalishon.
“Nos a logra, un avanse grandi den e akuerdo komun riba e nesesidat pa traha huntu”, segun e sekretario general di ANC, Fikile Mbalula, despues ku su partido a pèrdè e mayoria apsoluto ku e tabatin kumindando for di elekshonnan di 1994.
E koalishon ta inkluí Aliansa Demokrátiko (DA), di sentroderecha, e formashon Zulu Inkatha Freedom Party (IFP) i vários partido mas chikitu.
