WILLEMSTAD.- Pronto Albert Schweitzer College Parera (VSBO) ta presentá nan produkshon Romeo i Julia na teater La Tentashon.
E famianan di Romeo i Julia ta biba na Kòrsou i nan tur dos tin nan propio restorant. Pa añanan kaba nan ta purba kita otro su kòki, kliente i weiternan, ta un guera di restorant mes! E famianan no ta sinti nada otro ku no ta rabia pa otro…ku eksepshon di Romeo i Julia. E dos enemigunan ta namorá di otro i ta hasi lo posibel pa keda ku otro sin ku nan famia haña sa.
E presentashonnan lo ta 14, 15 i 16 di mart kuminsando 7.30’or di anochi na teatro La Tentashon. Karchinan ta kosta 10 florin i ta optenibel na Albert Schweitzer College Parera. Por reservá karchi tambe via e página di facebook dr. Albert Schweitzer College Parera òf via WhatsApp +5999 5204487. Pa mas informashon por subi e página di facebook.