WILLEMSTAD.- Ayera djaluna e akademia a anunsiá ku nan lo homenahiá e kantaoutor ganadó di 18 Latin Grammy i 3 Grammy dia 15 di novèmber próksimo pa su arte i importante kontribushon filantrópiko na organisashonnan manera ‘Medicos Sin Fronteras’, ‘Save the Children’ i ‘Greenpeace’.
“Pa mi ta un honor e rekonosementu aki di parti di e Akademia Latino di Grabashon. Mi ta hopi felis i ilushoná pa por biba loke tei bira un anochi emoshonante rondoná pa amigu i kompañeronan”, asina Sanz a duna di konosé den un komunikado.
Alejandro a kolaborá ku artistanan ku ta inkluí Alicia Keys, Shakira, Destiny’s Child, Laura Pausini, The Corrs, Juanes, Juan Luis Guerra, Marc Anthony, Alejandro Fernández i Tony Bennett.
Na 2013 el a risibí e título di ‘Doctor Honoris Causa’ di Berklee College of Music na Boston. E aña aki el a risibí ‘Medalla de Oro’ di e komunidat di Madrid, Spaña i ‘Medalla de Oro de las Bellas Artes’, otorgá pa e Ministerio di Kultura di Spaña.
Artistanan ku den pasado a meresé e rekonosementu aki ta inkluí Marc Anthony, Miguel Bose, Roberto Carlos, Placido Domingo, Gloria Estefan, Carlos Santana, Joan Manuel Serrat, Ricky Martin i Shakira.