MERKA.- E eks pelotero di Liga Grandi, Alex Rodriguez, a demostrá ku e no ta solamente kapas pa bati un homerun òf komentá un wega di beisbòl. E pareha di Jennifer Lopez a desfilá pa promé biaha komo modelo pa e empresa merikano di artíkulonan deportivo, Dick’s Sporting Goods.
Alex a kompartí e debut via di Instagram i den su ‘post’ el a ekspresá ku hopi ta e atletanan ku a kuminsá introdusí nan mes na e mundu di modelahe.
E evento, promé biaha organisá pa e empresa a konta tambe ku partisipashon di e aktris Demi Burnett, e futbolista Carli Lloyd i e bòksdó di 11 aña, Javon ‘Wanna’ Walton.