MERKA.- Despues di a risibí resientemente e galardon ‘Icon Songwriter Award na New York’, Alicia Keys djárason último a anunsiá un inisiativa nobo ku lo mester trese un kambio den e mundu musikal.
Ku e movementu ‘She is the Music’ e ke krea oportunidatnan berdadero pa hende muhé den e industria di músika.
Keys huntu ku un grupo di damanan na nivel ehekutivo, kompositor, artista i produktornan lo bai traha pa hasi esaki posibel.
‘Nos ke krea un modelo nobo ku ta benifisioso pa hende muhénan den tur sektor. Nos meresé rèspèt. E no mester wòrdu hasí ku standartnan dòbel, pago desigual i ku koleganan ku ta sin rèspèt òf pió ainda ku maltrato’, asina e kantante a deklará na e revista ‘Variety’.
‘Awor mas ku nunka komo dama den e industria musikal’ ku a keda honra ku e galardon ku el a risibí. ‘E aña aki ta oro for di e otro añanan, e ta marka un kuminsamentu nobo di algu nobo. Hopi di nos den e industria musikal ta traha mas duru ku nunka pa laga mira e trabou di muhénan kompositor, músikonan, ingeniero i produktornan i pa sostené nan.
Keys, 37 aña, ta un ferviente luchadó pa derechinan di hende muhé.
Próksimamente lo tin mas detaye riba e proyekto ‘She is the Music’.