WILLEMSTAD.- Ayera nochi durante di un evento ku a tuma lugá na Roosevelt Center Alvinette Soliana a keda korona komo ‘Miss World Curaçao 2021’ i awor tin e tarea pa representá Kòrsou na e di 70 edishon dje sertámen di beyesa di mas grandi i prestigioso na Mundu.

‘Miss World’ e aña aki ta tuma lugá dia 16 di desèmber próksimo na San Juan, Puerto Rico i e sertámen lo ta den kuadro di selebrashon di su 70 aniversario.

E organisashon di “Miss World” a hinka un luna di programa hopi atraktivo i tambe intensivo den otro pa e 120 beyesanan di rònt mundu ku ta partisipando na e sertámen,

Aparte di shownan, resepshon ku diferente mandatario, charla i bishita na diferente instituto e beyesanan lo forma parti di e ‘fast track events’, kual ta konsistí di diferente kompetensia manera: Talento, Deporte, Top Model, Multimedia, ‘Beauty with a Purpose’ i ‘Head-to-head challenge’. Ganadó di kada un di e kompetensianan aki lo pasa outomátikamente pa e final i forma parti di e finalistanan di e sertámen final di “Miss World”.

Riba e potrètnan ku ta kompaña e artíkulo nos por apresiá entre otro momentu di koronashon di Alvinette Soliana.

LAGA UN KOMENTARIO

Please enter your comment!
Please enter your name here