WILLEMSTAD.- Ayera nochi AMAK a hasi entrega di e premionan pa e finalistanan di Festival di Tumba 2017. E evento e aña aki a tuma lugá na Kas di Kultura den Skalo kaminda riba e patio a risibí invitadonan i naturalmente tur e kantante, kompositor, areglista i demas músikonan.
Durante dje evento a hasi entrega tambe di un plakat di rekonosementu na Sra. Milly Hart, lider di Sweet Sugar, kende ta e promé grupo di baile ku a presentá den Festival di Tumba.
E tumba mas popular di Karnaval 2016 a resultá ‘Ambiente Kayente’ di Danny Yanga.
Riba foto nos por apresiá esnan ku a risibí un premio ayera nochi.