WILLEMSTAD.- Despues ku den e siman aki a bira konosí ku Venezuela a bolbe ekstendé e blokeo di biahe di venezolanonan pa islanan ABC e preokupashon mas grandi pa bandanan lokal a bira pa por logra trese e músikonan, supladó, pues trompetista, trombonista i saksofonista pa por reforsá nan banda.
Vários banda ku a invertí i kumpra pasashi pa e músikonan ku nan a kontratá mester a mira kon dia ta yega pa e músikonan bin Kòrsou i ku e problema di blokeo di biahe for di Venezuela a kontinuá.
Den su afan pa por yuda e bandanan AMAK huntu ku algun spònser a logra pa kumpra pasashi i regla ku tur e 20 supladónan ku ta pegá na Venezuela ta yega awe mèrdia ku buelo di Copa Airlines for di Panama.
Segun ‘DEN E BEMBE’ por a komprondé e gastunan di biahe pa e 20 músikonan aki a resultá basta haltu i ku ta danki na aporte di spònsernan ku a logra pa kubri e gastunan.