WILLEMSTAD.- Tur amante di te por gana premionan pa Curaçao North Sea Jazz Festival 2018. Si bo kumpra 5 paki di te marka Hindú bo por gana diferente premio pa e di ocho (8) edishon di CNSJ 2018 ku lo tuma lugá dia 30, 31 di ougùstùs i 1e di sèptèmber. Na entrega di 5 paki di te Hindú bo ta risibí un lòt pa partisipá den e rifa. Tin 3 premio fantástiko i por entregá bo pakinan bashí te ku 24 di ougùstùs.
Te Hindú tin 26 sabor ku ta disponibel na diferente supermerkado i minimarket, botika i tokonan. Entregá bo 5 pakinan di te na ofisina di Manrique Capriles na Scharlooweg 17 i asina bo ta risibí un lòt pa por partisipá na e kampaña aki.
Tin diferente premio; terser premio ta 250 florin kèsh, segundo premio ta entrada grátis pa un (1) anochi di CNSJF i e promé premio grandi ta entrada grátis pa ámbos anochi di CNSJF. Dia 27 di ougùstùs lo anunsiá e ganadónan via facebook.com/manriquecaprilescuracao. Lo informá e ganadónan via telefòn.
E tremendo Festival ta kuminsá riba 30 di ougùstùs riba tereno de World Trade Center na Piscadera ku partisipashon di diferente artista lokal i internashonal. Tambe tin diferente tarima ku artistanan renombrá manera Sean Paul, Jason Derulo, Damian Marley, Chrisitina Aguilera, Shaggy,i Sting.
Den 2017 Manrique Capriles a lansa un produkto nobo riba merkado i esaki ta e te “Hindú” . Ta planta e te sabroso i saludabel aki den serunan di Valle de Cauca den Andes i ta e te number unu riba merkado kolombiano. E produkto tin sertifikado di ISO9001 i UTZ pa garantia di bon kalidat. Te Hindú ta bon pa bo salú. E diferente sabornan i tambe e preis ekonómiko ta garantia pa kalidat. Manrique Capriles ta eksistí mas ku 95 aña ofresiendo produktonan renombrá manera; Johnson & Johnson, Nivea, Jergens, Stayfree/Carefree, Del Monite, LÓreal i Keratherpy.