WASHINGTON, MERKA, AFP.- Amazon a akordá ku lo paga 61,7 mion dòler pa motibu ku e empresa a warda tur tep di su shofùrnan independiente durante dos aña i mei.
Komishon Federal di Komersio (FTC) di Merka a informá djamars ku e akuerdo ta resolvé e denunsia kontra Amazon dor ku e empresa no a entregá e montante kompleto di tep na su shofùrnan di e programa Amazon Flex.
“Na lugá di pasa 100% di e tep na su shofùrnan, manera a akordá, Amazon a usa e plaka pa su mes”, segun indikashon di Daniel Kaufman, direktor interino di Ofisina di Protekshon na Konsumidó.
Amazon ta un di e vários empresanan di komersio elektróniko ku ta akusá ku malversashon di tep. Pero e empresa a stòp ku e práktika aki den ougùstùs 2019 despues ku FTC a kuminsá ku e investigashon segun e denunsia.
