MERKA.- Amber Rose i su amigu, Alexander Edwards ta spera nan promé yu. Esaki ta bira e di dos yu pa e modelo merikano ku tin un yu, Sebastian, 6 aña ku Wiz Khalifa.
Den un ‘post’ riba Instagram Amber a hasi e informashon konosí. E aktris i presentadó mesora a hasi konosí e sekso di e beibi. ‘Alexander i ami ta super kontentu ku nos por anunsiá ku tin un mucha hòmber lif na kaminda. Sebastian ta kontentu ku e lo bira e ruman grandi’, asina Amber a post.
E modelo ku su amigu, kende ta traha pa e kas diskero Def Jam, tin un relashon for di òktober 2018. Anteriormente Amber tabatin relashon ku Kanye West i 21 Savage. El a kasa na 2013 ku Wiz Khalifa, pero nan dos despues di 1 aña a separá i ta kompartí e tutela di Sebastian.