MERKA.- Amber Rose a kaba di dal un paso grandi den su bida, redusí signifikativamente e tamaño di su pechunan. E modelo algun luna atras a ekspresá e deseo pa redusí su pechunan i awor ta papia pa promé biaha kon e ta sintié. E diva a konta revista People ku el a pasa di un brazièr 36H pa e sais 36 DDD. ‘Mi tabatin miedu pa no sinti mi sèksi mas despues dje operashon. Pero a yega un momentu ku mi tabatin basta doló’, asina Amber a deklará indikando aserka ku pa tres aña e tabata kontemplando pa hasi e operashon. E modelo den un ‘post’ riba Instagram lo mester a hasi menshon di esaki na yüli 2017. E desishon di hasi e operashon a yega na momentu ku segun e ta konta ku e no por a soportá e doló mas. ‘Na e momentu ei mi a pensa ku e kos aki ta mas un tema di salú i ku mi mester operá’. ‘Aworakí ta manera un soño a bira realidat. Ma pèrdè esaki tur mi bida!’, e diva a sigurá.