WILLEMSTAD.- Ayera tardi amigunan di Renaud Cijntje, e konosido kitarista di ‘Trio Los Corsarios’ ku resientemente a sufri un kebrante di salú i ku aktualmente ta interná na Mgr. Verriet Instituut na Sta. Maria kaminda e ta den proseso di rehabilitashon, a sorpresa Renaud ku un bishita i a trese poko ambiente den e sentro.

Julio Mingeli (kitarista Los Corsarios) huntu ku algun otro amigu a bai ku kitara, bongo, konga i maraka pa trese legria ayera durante oranan di tardi. Muzik ta trese legria i riba kara di Renaud bo por nota esaki.

E konosido ‘Payaso Pipo’, Francis Faries kende tambe ta rekuperando den e sentro a djòin e grupo i interpretá algun kansion ku nan. Amigu pa semper!.