Amika Mena

‘Mira, boso no sa ki bon trabou boso ta hasi. Keda yuda e muchanan, nan mester di boso.'

A.J.M.G. Montange
ta partisipa fayesementu di nos eks lider kabesante den aña 1970.

Miho konosi komo hoofdleidster,
Amika Mena

yufrou Mena of subrina di Mgr. Julio Henriquez.
Semper Amika Mena ta papia riba e rol importante ku Mgr. Julio Henriquez kual ta su Tio Pastor tin den su bida. Tur loke Amika Mena a siña ku amor i kariño a traspasa pa nos mucha tambe hobennan. Ku kariño nos por korda wak bek riba rekuerdonan dushi ku nos a pasa ku Amika Mena na klup. Kada un rekuerdo, kombersashonnan chistoso pero tambe palabranan di empuhe lo keda graba den nos kada unu ku por a pasa bou di Amika Mena su guia of por a interkambia ku Amika Mena. Danki di kurason pa tur loke amika a hasi pa nos grupo, bario i bisindario. Drumi dushi.