WILLEMSTAD.- For di aña pasá despues di Festival di Tumba e informashon ku Gentz a anunsiá ku nan no ta partisipá e aña aki na Festival di Tumba a kuminsá kore rònt i a keda te hasta konfirmá pa e lider dje banda.
Aña a bòltu i informashon ku tantu Amos i Djuric su partisipashon ta na duda a kuminsá bira e tópiko di kombersashon pa amantenan di tumba.
Ayera ‘DEN E BEMBE’ a kombersá ku Amos ‘AmoruesZ’ Balentin i for di e kombersashon nos por a konkluí ku pa 70% ya por kuminsá konfirmá e partisipashon di AmoruesZ den Festival di Tumba. Amos lo ta partisipando ku su propio komposishon i loke ta falta pa kaba di konfirmá algun detaye pa Amos por konfirmá definitivamente su partisipashon. Komo eks Rei di Tumba, e partisipashon di Amos ta sin niun duda un balor agregá na Festival di Tumba.