WILLEMSTAD.- Amstel ta anunsiá ku orguyo e regreso di Rèi e Prèis, un di e kampañanan di konsumidó mas ikóniko i mas sperá na Kòrsou i Boneiru. E kampaña lo dura vários luna, dunando tur hende tempu sufisiente pa por partisipá, kolektá dòpinan di Amstel i gana premio grandi.
Rèi e Prèis ta invitá konsumidónan pa kuminsá kolektá dòpinan di Amstel awe mes, kambia nan pa vouchernan ofisial di Amstel i depositá esakinan pa ta parti di e game show di Rèi e Prèis pa asina gana hopi premio atraktivo inkluyendo e premio mayor.
Pues e kampaña aki ta kombiná divershon, partisipashon i rekompensa pa konsumidónan fiel di Amstel.
E kampaña lo wòrdu aktivá den supermarketnan, mini marketnan i snacknan na Kòrsou i Boneiru. Konsumidónan por tuma i entregá nan voucher huntu ku nan dòpinan na e siguiente trokasentronan ofisial: Asogas Gas Stations: Pablo Frederick, Buena Vista, Punda, Parera, Tera Kora, Emmastad i Scheidelaar (Kòrsou). Famoso Supermarket Playa i T&Z Rincon Supermarket (Boneiru). E último dia pa kambia e dòpinan i depositá voucher ta 22 di mei 2026.
Rèi e Prèis ta inkluí vários pre-game show te ora di e gran final, unda lo anunsiá e ganador final.
E gran premio di Rèi e Prèis ta un Volkswagen Tera Outfit 2026 nobo, hasiendo esaki un di e kampañanan mas atraktivo di e aña aki!
Sub-kampaña: Dekorá, selebrá i gana (solamente Kòrsou).
Komo un adishon Karnavalesko na Rèi e Prèis, Amstel ta presentá: Dekorá, selebrá i gana! Un kompetensia di dekorashon di stènt di Karnaval, eksklusivamente pa Kòrsou.
Stèntnan di Karnaval ku ta partisipá ta wòrdu retá pa dekorá nan stènt den e estilo Amstel mas kreativo i festivo, kontribuyendo na un atmósfera alegre i kolorido durante Karnaval.
Entrega di material pa dekorashon: 31 di yanüari di 3.00 pm te 6:00 PM na Paraiso Bar Restaurant, Rooseveltweg.
Material ku lo wòrdu entregá ta inkluí tapeit di Amstel i banderitanan ofisial. Pa tuma material, ta obligatorio pa bin ku dokumento di prekario i ID válido. Kantidat máksimo di stèntnan ku por partisipá ta 200. Un hurado profeshonal i independiente lo evaluá tur stèntnan ku ta partisipá.
Premionan pa e mihó stèntnan dekorá: 1er premio: XCG 5.000 + 10 kaha di Amstel; 2do premio: XCG 2.500 + 10 kaha di Amstel; 3er premio: XCG 1.500 + 10 kaha di Amstel.
Ademas, tur stèntnan ganador lo kalifiká direktamente pa e promé Rei e Preis game show.
E sub-kampaña aki ta agregá mas energia na temporada di Karnaval dor di stimulá kreatividat, selebrashon i fuerte visibilidat di Amstel den kaya di Kòrsou. Rèi e Prèis– kolektá, selebrá i gana ku Amstel.
IMPORTANTE: Solamente dòpinan di AMSTEL ta válido pa e kampaña Rei e Preis. Dòpinan di Amstel Bright NO ta válido.