Miami.- E mehikanonan Ana Gabriel, Fher Olvera kantante di e grupo Maná i e spañó, Camilo Sesto lo drenta Salon di Fama di kompositornan Latino, asina e organisashon a informá ayera.
Entre e kantaoutornan i kompositornan ku lo keda homenahiá durante dje di sinku edishon di ‘Premios La Musa’ ku lo tuma luga dia 19 di oktober na Miami, tin tambe e panameño Erika Ender, e mehikano Martin Urieta i e argentino Roberto Livi.
E anunsio dje galardonadonan a keda hasí pa e responsabelnan di LSHOF, Desmond Child, Rudy Perez i Emilio Estefan, kende a drenta e Salon di Fama na 2015. Esaki a sosodé dilanti di artistanan i ehekutivonan di kasnan diskero ku ta na Miami partisipando na e konferensia di ‘Billboard de la Música Latina’.
Esnan ku a keda elegí a sali for di un enkuesta popular i a forma parti di un lista di 24 nominado, den kua tambe tabata figura, Ricardo Montaner, Enrique Iglesias, Juanes, Ruben Blades i Marco Antonio Solis entre otro.