WILLEMSTAD.- Ayera tardi na Amazonia a tuma lugá e presentashon di Andrew Christopher komo artista i alabes lansamentu di su promé videoclip titulá ‘Party with Casino’.
Kadir Snijder, direktor artístiko di ‘Silver Wolves artist Management’ den su diskurso a indiká ku Andrew Christopher ta para dilanti inisio di un karera musikal grandi. E ta spontáneo, kompletu i tin un potensial grandi. Esaki ta e promé paso pa hiba e artista riba nivel internashonal. Nos ta kere den dje’, asina Kadir a indiká.
Kadir a indiká mas aleu ku e ta kere den yunan di Kòrsou i ta habri pa kompartí su ekspertisio riba e tereno. Despues dje parti ofisial a sigui e presentashon dje video clip i tambe presentashon bibu di Andrew Christopher.