PUNTA CANA.- Manera EXTRA a informá bo for di 11 di yüli di e aña aki, Andruw Jones tabata entre e eks hungadónan ku a keda skohé pa drenta e Salon di Fama di beisbòl latino. Ayera di forma ofisial durante un seremonia Andruw Jones a drenta e Salon di Fama di beisbòl Latino. El a drenta huntu ku Alfonso Soriano, Alex Rodriguez, Johan Santana i Felix Hernandez.

Esaki ta un stap mas serka pa Andruw Jones yega e Salon di Fama di beisbòl merikano. E yu di Kòrsou a drenta vários otro Salon di Fama inkluyendo esun di Atlanta Braves.
E Salon di Fama di beisbòl latino aki ta konsistí di vários gran pelotero latino. Felipe Alou, David Concepciόn, Fernando Valenzuela, Roberto Alomar, Mariano Rivera i Pedro Martinez ta djis algun di e nòmbernan grandi ku ta forma parti di e grupo eksklusivo aki.
Andruw Jones ayera a bira tambe e promé yu di Kòrsou ku ta drenta Salon di Fama di beisbòl latino. Andruw ku su amigunan i konosínan presente a drenta ofisialmente den e Salon di Fama di beisbòl latino. Banda di tur esakinan Andruw Jones a duna vários entrevista último dianan.