REPUBLICA DOMINICANA, AP.- Un muhé taiwanes di 76 aña a keda hañá morto den su kas na Santo Domingo i tabata mustra indikashonnan di sla na su kurpa asina outoridatnan a bisa ayera.
E bosero di polis Nelson Rosario a sigurá ku e institushon tin identifikashon di e dos supuesto asaltantenan.
Koume Me Shieh kende tabata sufri sierto nivel di parálisis a muri asfiksia segun un reporte preliminar di forense, asina polis a bisa.
E kadaver di Me Shieh a keda haña den su kamber den oranan di mainta djasabra pa su yu hòmber ku tabata biba kuné i esaki a keda identifiká solamente ku su fam Huang. E famia a bai biba República Dominicana mas di 20 aña pasá. E minister konsehero di embahada di Taiwan Francisco Chang a splika ku segun polis a bisa dos hòmber a drenta e kas den oranan di mardugá di djasabra pa hòrta. Polis ta sospechá ku Me Shieh a lanta ora e ladronnan tabata den e kas i asina nan a asfiksi’é ku un kusinchi. E ladronnan a bai ku algun pertenensia di e famia i a kore bai sin ku e yu a lanta for di soño. Huang a ripará ku su mama a keda asesiná ora el a bai lanta esaki fo’i soño djasabra mainta.
This function has been disabled for èxtra.