WILLEMSTAD.- Anthony Clarinda ta bèk na Kòrsou despues ku el a keda premiá komo ‘Men Universe Model 2018’. Durante di dos siman Anthony Clarinda a kompetí den e sertámen di modelo na República Dominicana.
E di 11 edishon di ‘Men Universe Model’ a konta ku partisipashon di kandidatonan di 40 pais.
Djasabra 28 di yüli a tuma lugá e final dje sertámen kaminda Anthony a gana e premio pa ‘Best National Costume’ ku un trahe diseñá pa Clayten Mogen ku kolaborashon di Kara Productions.
Finalmente Anthony Clarinda ta keda premiá komo ‘Men Universe Model 2018’.
Pabien na Anthony i e organisashon ‘Quality International Male Models’ dirigí pa Quinton Martina. Riba foto nos por apresiá momentu ku Anthony Clarinda a kaba di yega Kòrsou ayera tardi.