WILLEMSTAD.- Djasabra atardi  na EGM Facilities a hasi entrega ofisial di e sinta pa Men Universe  Model Curaçao 2018.
E aña aki a toka turno na Anthony Clarinda pa representá Kòrsou na Repúblika Dominikana na e sertámen di Men Universe Model 2018.
Ora ku Anthony a aserka e organisashon pa papia riba e mundu di modelahe i einan a mira e potensial den su persona, na mes momentu su gana i e interes ku e tin a pone e organisashon  a yega na e desishon ku e ta un kandidato pa Men Universe Model Curaçao 2018 i mirando ku tur otro kandidatonan ku a aserka tabata relativamente  yòn,  p’esei a opta  ku Anthony ta e kandidato perfekto pa representá nos isla na dicho sertámen.
Aworakí Anthony ta full den preparashon, manera gym,  seshon di fotografia,  pasarela,  fitting di vestuario, trahe nashonal i public speaking p’asina Kòrsou wòrdu representá dignamente den eksterior.
Quality International Male Models kier a gradisí tur spònser i personanan ku ta hasi partisipashon di Anthony Clarinda posibel na MUM 2018, próksimamente na Repúblika Dominikana.
Riba foto nos por apresiá Quinton Martina di QIMM huntu ku Anthony Clarinda.