WASHINGTON, MERKA, AFP.- Anthony Fauci, e eksperto prinsipal di enfermedatnan infeksioso ku a bira den e kara di e lucha kontra covid-19 na Merka, a anunsiá djaluna ku e lo renunsiá di su puesto den desèmber despues di mas ku 50 aña, bandonando e puesto di asesor di presidente Joe Biden.
Den e promé dianan di e pandemia di covid, Fauci a kombertí den e eksperto di covid mas konfiabel, pa su konfrontashonnan ku èks presidente Donald Trump provokando disgustu/ira di iskierdistanan, i aktualmente e ta biba ku seguridat despues ku el a haña vários menasa di morto kontra su famia.
E hòmber di 81 aña, kende a sirbi bou di shete presidente kuminsando ku Ronald Reagan, a indiká den un komunikado ku e lo retirá komo direktor di Instituto Nashonal di Alergia i Enfermedatnan Infeksioso (NIAID) i asesor médiko di Biden.
Fauci a dirigí tur Merka su manehonan di brotenan infeksioso desde dékada di 1980, pues di HIV/AIDS te ku covid-19.
Fauci su opinionnan honesto tokante Merka su frakaso pa enfrentá e vírus den komienso di e pandemia a kousa ku el a drenta den konflikto ku Trump. Durante un temporada Kas Blanku a asta prohibí Fauci di hasi entrevistanan na televishon.
Esaki a yuda kombirtié den un figura di odio pa mayoria derechista, ku ya tabata indigná ku e protekshonnan di pandemia ku Fauci tabata defendé.
