WILLEMSTAD.- E gran apertura di Curaçao Carnival Village pa Karnaval 2019 lo tuma lugá mañan, djasabra 5 di yanüari na Kleine Werf.
E sitio a kambia di Stadion di Rif pa Kleine Werf, portanan ta habri for di 6 or di atardi. Pa 7 or lo tin un dj Show, sigui pa 8 or presentashon di nos agrupashonnan musikal manera, Vega, Icons By Gio i Gentz ku lo trese nan mihó piesanan kombiná ku tumba pa asina deleitá e públiko presente. Nos Rei di Tumba 2018, Urwin “Luwi” Jano tambe lo ta presente.
Despues tin presentashon di Kassav, ku lo selebrá nan 40 aniversario aki nan Kòrsou presentando tur nan hitnan di tur tempu.
Lo klousura e apertura di Curaçao Carnival Village ku un tremendo show di vürwèrk presentá pa Gustavo Semeleer.
Loke ku a sobra di karchinan ku no ta hopi na balor di 65 florin ta optenibel na Tik Tak, Beep Beep Rio Canario, Mensing’s Caminada i 24 uur uit de muur.
Abo ku no tin bo karchi ainda, no tarda mashá pasó no a sobra masha karchi mas. Fundashon J.A.G. ta invitá pueblo di Kòrsou pa bin selebrá #Huntu e gran apertura aki ku un bon komportashon manera semper.