WILLEMSTAD.- Djasabra awor, 11 di novèmber 2017 lo tin e tradishonal apertura di temporada di Karnaval pa ‘De Nieuwe Limburgse Kabrieten’.
Pa e aña aki lo tin un ‘kroegentocht’ ku dos Parandabus yená ku ‘Kabrieten’ i ‘Kabrietinnekes’ selebrando Karnaval.
E paranda ta start 11 minüt pa 7 i 11 minüt pasa di 7, un kroegentocht ku lo tin durashon di mínimo 3 ora.
Pa 11 minüt pasa di 11 di anochi, Vorst Frans i Prins Arie huntu ku ‘de Raad van Elf’ lo deklará temporada di Karnaval 2017 – 2018 habri.
Durante dje kroegentocht nan lo bishitá Netto Bar, Eetcafe ‘Op=Op’ i ‘Bedrock Cafe’.
Nan tema pa 2018 lo ta ‘Kabrietianen’, nan lo bai bisti na indjannan ‘Caiquetio’ i ‘Arawak’. Esnan ku ta interesá pa partisipá ku ‘De Nieuwe Limburgse Kabrieten’ den Gran Marcha por inskribí dia 18 di novèmber na Bedrock Cafe na Marie Pampoen entre 3’or pa 6’or di atardi.
Pa mas informashon bo por manda un email na kabriet@limburgsekabrieten.com òf bishitá e website: www.limburgsekabrieten.com. Bo por yama Jan Wortman òf app na 562-0921.
E bùsnan ta yen pero djòin e grupo na Netto Bar, Eetcafe ‘Op=Op’ i ‘Bedrock Cafe’.