WILLEMSTAD.- Ayera nochi a tuma lugá e apertura ofisial dje eksposishon di Reinan di Tumba den kuadro dje selebrashon di e 50 edishon di Festival di Tumba.
Mantel, korona i trofeo kombiná ku e historia di Festival di Tumba. Un eksposishon bunita ta loke ku ta keda presentá i e eks Reinan di Tumba ku tabata presente a primintí ku nan lo buska mas di nan rekuerdonan pa por kompartí esakinan den e eksposishon.
AMAK ta sumamente kontentu ku e oportunidat úniko ku Sambil a duna pa organisá e eksposishon. Sra. Maja Atalita Vervuurt, organisadó dje eksposishon ta sumamente kontentu pa por a realisá esaki. E tabatin algun aña kaba kanando ku e idea pa organisá un eksposishon i awor el a logra esaki. Riba potrètnan nos por apresiá algun imágen dje eksposishon i tambe Reinan di Tumba ku tabata presente durante dje evento.