WILLEMSTAD.- Djadumingu mèrdia a tuma lugá apertura ofisial di e Sede nobo di Fundashon JAG pa Karnaval 2019. Un sede riba e ruta di Karnaval i hopi sentral pa tur nos bishitante nan ku tin ku trafiká ku bùs.
E apertura a tuma lugá dor di Pastor Julio Gonzalez di Parokia Martin de Pores di Seru Fortuna. Na final sr. Hubert “Juni” Aniceta a hiba palabra pa gradisí tur presente i anunsiá ku e sede lo ta habri tur dia di 9 or di mainta pa 5 or di atardi.
E sede ta ubiká na Schottegatweg West, riba ruta di karnaval, despues di rotònde Plasa Hariri / Palu Blanku, direkshon Marchena, nèt dilanti di Celia building patras di e trùk di pan hel, Palu Blanku Grill, den e kura huntu ku Velamo Car Wash.
Awe, djaluna 17 di desèmber, e karchinan pa e gran Apertura di Curaçao Carnival Village lo ta optenibel na tur e puntonan di benta ku ta: Tik Tak, Beep Beep, Mensing’s Caminada i 24 uur uit e muur.