WILLEMSTAD.- Djasabra awó, 28 di òktober ta fecha pa e apertura di temporada di tambú.
Kas di Kultura, e organisadó di e ‘Paranda di Tambú 2017’, a skohe pa dediká e apertura na Sherwin ‘Pincho’ Anita kende e aña aki ta selebrando su di 40 aña den mundu di tambú i farándula general.
Apertura di e temporada di tambú ta tuma lugá den Hòfi Bill i ta kuminsá for di 6’or di atardi te ku 12’or di anochi.
Entrada ta grátis i lo tin vigilansia na porta pa tur kos por kana bon. Kas di Kultura ta invitá bo.