WILLEMSTAD.- Fundashon JAG tin e grato honor pa anunsiá apertura di su sede nobo pa temporada di Karnaval 2019. E apertura lo tuma lugá mañan, djadumingu 16 di desèmber 2018.
E sede ta ubiká na Schottegatweg West, riba ruta di karnaval, despues di rotònde Hariri/ Palu Blanku, direkshon Marchena, nèt dilanti di Celia building patras di e trùk di pan hel Palu Blanku Grill, den e kurá huntu ku Velamo Car Wash.
Pa selebrá e dia aki Fundashon JAG tin un Spesial di e último 500 karchinan na balor di 55 florin pa e konsierto di Kassav’, Gentz, Icons by Gio i Vega na apertura di Curaçao Carnival Village dia 5 di yanüari 2019.
Kòrda ku “ Op is Op” i djaluna 17 di desèmber e karchinan na balor di 65 florin lo ta optenibel na tur e puntonan di benta ku ta Tik Tak, Mensing’s Caminada i 24 uur uit e muur.
E promé 300 personanan ku kumpra nan karchi nan balor di 55 florin lo haña tambe un T shirt slim fit di Curaçao Carnival Village 2018 grátis.
Un invitashon na pueblo di Kòrsou pa pasa djadumingu for di 9 or di mainta te ku 3 or di atardi pa e último karchinan di KASSAV. Bo no por pèrdè e oportunidat aki.
Radio Active 104.5 tambe lo tei presente pa transmití e apertura di e sede nobo di Fundashon JAG bibu.