WILLEMSTAD.- Djadumingu awor, 6 di yanüari 2019 ta tuma lugá e apertura di temporada di Karnaval 2019 na Bándabou.
Fundashon Karnaval Banda Bou ta invitá pueblo di Bándabou i Kòrsou kompletu na e apertura i inisio dje selebrashon di 50 aña Karnaval di Bándabou.
For di 2 or di mèrdia lo tin bendementu di kuminda i kosnan di boka dushi. Pa 5 or di atardi lo tin e parti ofisial di e apertura. Despues ta sigui e animashon musikal ku presentashon di entre otro Grupo Limania, Orkesta Vega, ONE, All Star Percussion, Rei di Tumba Luwi Jano i Roald Balentien.