Sherten Apostel, 3b (Hickory Crawdads, afiliashon Klase A di Texas Rangers) a bai di 4-4 ku 3 kareda empuhá i 1 kareda anotá riba su di 9 honron di temporada

Krioyonan den MLB

Jurickson Profar (Oakland A’s) djasabra a bai di 4-3 ku 4 kareda empuhá. El a riba su di 5 base di temporada. Ayera a bai di 4-1 ku su di 11 doblete di 2019

Kenley Jansen (Los Angeles Dodgers) djasabra a pèrdè su di 2 wega di temporada (2-2) ora ku e no por a tene un bentaha pa su ekipo den último ining. El a permití 2 kareda riba 1 hit ku tabata un honron. El a poncha 2 bateadó. Ayera a bòns bek bunita pa salba su di 21 wega di temporada tirando 1 ining sin permití hit ni kareda. El a duna 1 base por bola

Ozhaino Albies (Atlanta Braves) djasabra a bai di 4-0 i ayera a bai di 5-3 ku 2 kareda empuhá i 2 kareda anotá. El a konektá 2 doblete su di 14 i 15 di temporada

Didi Gregorius (New York Yankees) djasabra a bai di 4-2 ku 1 kareda empuhá i 1 base por bola risibí i ayera no a mira akshon

Xander Bogaerts (Boston Red Sox) djasabra a bai di 2-1 ku 2 kareda empuhá i 1 kareda anotá. E tabatin un fly di sakrifisio i a risibí 2 base por bola tambe. Ayera a bai di 3-2 ku 1 kareda empuhá i otro anotá i bolbe risibí 2 base por bola. El a konektá su di 21 doblete di temporada

Jonathan Schoop (Minnesota Twins) djasabra a bai di 3-1 i ayera a bai di 5-3 ku 1 kareda anota

Andrelton Simmons (Los Angeles Angels) ta rekuperando ketu bai di e leshon ku el a sufri dia 20 di mei i ta mehorando rápidamente. Manager Brad Ausmus a indiká ayera ku Simmons lo por ta bek mas lihé ku a spera i ku esaki lo ta den yüni aki mes. Normalmente e leshon ku Simmons a sufri ta tuma kasi 12 siman pa rekuperá di dje. Si Simmons regresá e luna aki esei ta pone ku e ta bek despues di entre 5 pa 6 siman. Simmons ya ta kore riba e ènkel, fildeando i tuma bateo di praktiká. Pa otro siman ta spera ku Simmons lo bati kontra picheo real.

 Na Hapon

Coco Balentien (Yakult Swallows) djasabra a bai di 4-1 ku 2 kareda empuhá i ayera a bai di 4-0

 Lupa riba Liga Menor

Kevin Jospehina i Shean Michel (Florida Fire Frogs, afiliashon Klase A di Atlanta Braves) no tabatin wega ayera

Juremi Profar, 1b (Frisco RoughRiders, afiliashon Dòbel A di Texas Rangers) wega a keda kanselá pa motibu di áwaseru

Ademar Rifaela, OF (Bowie Baysox, afiliashon Dòbel A di Baltimore Orioles) a bai di 4-3 ayera

Hendrik Clementina, C (Daytona Tortugas, afiliashon Klase A Avansa di Cincinnati Reds) no tabatin wega ayera

Calten Daal, 2b (Chattanooga Lookouts, afiliashon Doble A di Cincinnati Reds) no a mira akshon ayera

Shervyen Newton (Columbia Fireflies afiliashon Klase A di New York Mets) a bai di 3-0 ayera ku 1 base por bola risibí

Kirvin Moesquit, OF (Frederick Keys, afiliashon Klase A Avansa di Baltimore Orioles) a bai di 4-1 ayera

Stephan Vidal, C (Wilmington Blue Rocks, afiliashon Klase A Avansa di Kansas City Royals) no a mira akshon ayera

Edmond Americaan, OF (Eugene Emerlands, afiliashon Klase A di Chicago Cubs) a bai di 4-0 ayera

Jonathan Willems, 2b (Billings Mustangs, afiliashon Rookie di Cincinnati Reds) ayera a bai di 5-2 ku 1 kareda anotá

Gianfranco Wawoe, 2b (Southern Illinois Miners, Liga Independiente) wega a keda kanselá pa motibu di áwaseru

Shairon Martis, Curt Smith i Randolph Oduber (Lincoln Saltdogs, Liga Independiente) Smith a bai 3-0 ayera ku 1 kareda empuhá i 1 base por bola risibí. Oduber a bai di 5-2 ku 2 kareda anotá. Martis a gana su promé wega di temporada ayera tirando 5 ining permití 1 kareda riba 2 hit, poncha 3 bateadó i duna 2 base por bola

 Play of the Day