MERKA.- ‘Aquaman’ a konkista e 7 oséanonan i e takia mundial. E pelíkula protagonisá pa Jason Momoa ta na kaminda pa alkansá e marka di 1000 mion di dòler, ku mas di 500 mion dòler rekoudá kaba.
E promé pelíkula solitario di e Rei di Laman ta e pelíkula mas mirá na nivel internashonal pa di tres siman siguí. E pais kaminda el a rekoudá mas sèn ta na China, ku mas di 230 mion dòler akumulá.
E pelíkula di James Wan a logra tambe rekoudá bon sèn den e merkado merikano ku serka di 80 mion dòler i na Spaña den su promé fin di siman el a rekoudá 2.5 mion euro i bira e pelíkula mas mirá. Pa loke ta trata sobrá di Oropa, na Fransia den su promé siman el a rekoudá 5 mion euro i na Alemania e tabata e pelíkula mas mirá durante di fin di siman pasá, rekoudando 3.5 mion euro.
E sifra lo sigui krese den e dianan di fiesta aki, pasó ainda e tin ku estrená na Hapon, Oustralia i Italia kaminda tin un gran oudiensia ta sper’é.