MERKA.- Aretha Franklin ta sigui risibí ‘Respect’ despues di su morto. E Reina di Soul a keda rekonosé djaluna último ku un galardon Pulitzer ku ‘menshon spesial’. Dje forma aki el a bira tambe e promé dama ku ta risibí e premio aki for di inisio dje galardon na 1930.
E organisashon di Pulitzer a bisa ku nan ta otorgá e premio na Franklin pa su aporte inkreibel na músika i kultura merikano pa mas ku sinku dékada.
Franklin a muri dia 16 di ougùstùs 2018 di kanser di pánkreas na su kas na Detroit. E tabatin 76 aña.
E super strea ta tambe e promé dama ku a keda inkorporá den e Salon di Fama di ‘Rock and Roll’ na 1987.
E mas resien galardon Pulitzer ku ‘menshon spesial’ a keda hasi na 2010, a hasi e entrega póstumo na Hanki Williams, un músiko emblemátiko di músika ‘country’ ku a fayesé na 1953.
Otro artistanan ku a keda honra ku e galardon ta Duke Ellington, Bob Dylan, John Coltrane, Thelonious Monk, George Gershwin, Ray Bradbury, William Schuman, Milton Babbitt, Scott Joplin, Roger Sessions, Richard Rodgers y Oscar Hammerstein II.
Solamente 41 galardon spesial a keda entregá for di 1930 i e ganadónan tabata for di personanan te ku organisashonnan i gruponan.