Arthur José Fecunda

GRADISIMENTU I INVITASHON
Na nòmber di su kasa, yu, yu di kriansa, rumannan i demas famia di e defuntu:

Arthur José Fecunda
Mihó konosí komo Arthur eks trahado di Landsgebouwendienst i eks dosente di G.O.G.

Kier a gradisí tur famia, bisiñanan, amigunan i konosinan
ku di un otro forma òf manera a mustra atenshon na ora di
morto i entiero di nos defuntu stimá. Danki na tur ku a manda mensahenan via whatsapp i yamadanan di telefon. Un danki special ta bai na Dr. Vonhögen i El Señorial. Boso atenshon tabata un gran konsuelo pa nos. Alabes nos ta invitá boso na 2 Santu Sakrifisio di Misa pa deskanso di alma di nos defuntu stima: awe Djaweps 28 Yüli 2022 pa 18:30 di anochi i Djadumingu 31 Yüli 2022 pa 9:00 or di mainta na Misa San Hose Barber. Prome ku e ultimo santu sakrifisio di misa lo resa Rosario na kas pa 7:45 di mainta. Adres: Dokterstuin # 98. Aseptá esaki komo un invitashon pèrsonal.