MERKA.- Despues ku George Clooney i su kasá Amal Clooney a hasi un donashon di 500 mil dòler pa e organisashon ‘March for Our Lives’, un protesta organisá pa e sobrebibientenan di e skol ‘Marjory Stoneman Douglas’ kaminda 17 studiante a keda asesiná.
Oprah Winfrey a disidí di djòin e lucha i a igualá e donashon di pareha Clooney indikando ku e hóbennan a poné kòrda riba e grupo di ‘Freedom Riders’ di dékada 60 ku tambe a bisa ta basta i a laga nan bos resoná.
Dia 24 di mart próksimo, studiantenan i e sostenedónan di ‘March for Our Lives’ lo marcha na Washington D.C. pa eksigí leinan mas estrikto di arma di kandela, esaki relashoná ku e kantidat di tiramentu ku ta tumando lugá na skolnan rònt Merka.
Otro artistanan ku a duna nan sosten na e rekoudashon di fondo pa ‘March for Our Lives’ ta Lady Gaga, Justin Bieber, Morgan Freeman, Steven Spielberg i Jeffrey Katzenberg kende segun informashon ámbos a hasi donashon di 500 mil dòler.